其實真係想知啲韓國人點睇我哋香港人 事源我啱啱玩呢隻Roblox 入面嘅game 純粹就係用嚟傾偈 咁我無聊就入去睇吓 之後就遇到三個韓國人 跟住佢就問我嚟自咩地方 咁我就答佢Hong kong 啦 之後佢就答咗句 oh Hong kong 然後呢 本身呢隻game 都有啲道具俾人玩嘅 有啲道具可以加快行嘅速度 跳得高啲 剃人頭髮咁啦 亦都有打人嘅道具 之後呢三條友就開始用啲打人嘅道具打我喺途中我就一直聽到佢哋喺度用韓文講嘢 雖然我唔係好知佢哋講咩但係佢哋好似好開心咁 總之一句講晒玩我玩得好開心當然我都唔會就咁齋比佢打啦 何況我冇做錯嘢 之後我就剃返佢頭髮 然後佢就走咗 成件事就係咁 事先聲明 我全程除咗一句I am from hk之後我乜都冇講過其實我自己都有少少失望因為我本身都係一個好鍾意韓國嘅人 無論係佢哋嘅文化定係嘢食 所以之前都有去過好幾次韓國旅行 但冇諗過換返嚟嘅就係歧視 （D咁嘅行為應該屬於歧視？）我唔知係咪嗰幾個人問題定係其實啲韓國人都唔太鍾意香港人 總之都係嗰句啦 其實都幾失望 唔知大家有冇類似嘅經歷 可以分享下😌