同日本人打工#5 今次都係🇯🇵上司既英文事故，但唔係小弟出聲，而係日本人大腦細出聲🫠 大腦細係響美國長大，所以係講到一口perfect English既日本人。但佢份人係燥底+極度無耐性既人。各同事同佢講野，包括小弟，如果十秒內唔到重點，基本上就會stop你+點著左佢個種人🤖 同埋一聽到啲錯用法既英文，都會變身認字特警point out出黎糾正你既人。 話說有次大腦細返左黎要同全世界開會。咁佢就問🇯🇵上司，個新產品幾時開始賣呀？咁答案就係下個再下個星期，姐係week after next week啦。而🇯🇵上司呢個時候就覆左一句 New item? Yes! Next next week! 之後大腦細就突然比👻附左身咁破口大罵，係week after next week呀！再加一堆聽唔明既日文(事後同事翻譯話係鬧🇯🇵上司既說話，但內容係鬧到不堪入耳既💀) 之後大腦細再用英文鬧 依家係9月，如果下次你要形容12月某星期，請問你要用幾多個next呀？ 然後淨係不斷見到🇯🇵上司重複係，係，係 個會就係大腦細既咆哮中渡過🫨 點解唔閂埋門兩個人先鬧呢？ 當住一眾小薯面前公開處刑，何必🫠🤯