尋人 由小學開始，經常有當時關係很好嘅朋友離去，之後社交平台都搵唔到。從此係我人生消失。 馬瑞應：小學三年班，會去佢屋企玩，仲記得佢屋企有隻好可愛嘅曲架，佢show一大盒swatch set比我睇，夜晚屋企人請埋我去酒樓食飯，第一次食龍蝦，記得成碗都係菜蟲嘅湯，飯後佢爸爸揸Benz 送我返屋企。因為細個好窮，所以對呢一次約會好深刻。臨放暑假，同我講就要去加拿大 ，果時on99冇話要留聯絡方法，從此失去聯絡。 呂慧怡：好奇怪嘅緣份，我中一佢中三，應該係同一個社同都係跑步隊而認識，放break 每見到佢都會攬一攬對方，但私下從來冇聯絡，又係暑假後去外國讀書，從此消失。 盧潔雯：同級同學，會去佢屋企玩，出街shopping、影貼紙相、傾心事，係我中學階段其中一個重要嘅朋友。畢業後有繼續來往幾年，直至佢去英國讀書，都有email 來往，幾年後佢話我知佢返咗香港，留咗手提電話比我，但有啲私事要處理，會遲啲先搵我，結果之後冇再搵我，電話、電郵都冇再覆我，已經失聯十幾年，我之前夢見過佢幾次，我試過喺夢中喊 ，我仍然掛住佢又擔心佢，唔知佢而家點。