كل يوم أقابل بمكان عملي أصناف ناس مختلفة الي متعصب بسبب ضياع أبسط حقوقه والي هادئ ومحترم والي محكوم بالإرهاب او سجين الي يخلي يومي انقهر لعمره الي مضيعه ولذنبه المجهول والمرحيين الي يضيفون ليومي بهجة والي شاعر بين كل كلامه يگول بيت شعر والبائسين والمنعزليين والغريبين الأطوار والأزواج حنونيين لأهلهم والي قاسيين ماعندهم أسلوب والشيء الي مشترك بينهم هو ألم والوجع. وكثير الي يخليني أشعر نفسي داخل كتاب بكل صفحة حكاية ودرس أتعلمها.