今日見到個post講 「個阿媽問個女仲讀唔讀書，而個女覺得好型答唔讀」 中學生嘅任性，只有經歷過中學嘅人都會清楚，有時為咗啖氣而做出好多後悔嘅決定。 網絡世界引戰comment有好多，但估唔到有咁多人用自身經驗嚟勸個post主，可能對件事有共嗚同親身體驗過，亦有唔少搞事份子嘅。 我作為一個唔讀書嘅過來人，亦深深明白post主嘅決定，因為我當年都係為左打機而棄讀書，同時亦聽唔少勸告，但有啲人就係要體驗過先會識得珍惜，而大家所謂嘅經歷根本不值一提，正所謂「條路自己揀、仆街唔好喊」 的確，學歷唔係咩重要嘢，只係一張普通人求職嘅入場卷，好多明星或有錢人都無學歷亦成功，但呢啲所謂嘅明星或有錢人到底幾罕有，抑或自己只不過係一個普通人呢！ 我會認為學歷係將提升人生層次同擴闊眼光，就好似我當初未讀大學時，好多野都唔識同無主動性，經歷完大學後，自己會主動搵原因同發現自己多麼渺小。 希望各位學生對自己嘅決定，三思而後行，呢一刻嘅輕鬆會為日後帶來辛苦，而呢一刻嘅勤奮會為日後帶來甜美嘅果實。 共勉之