想記錄一下今日發生嘅一件事。外人眼中可能係好普通，但係對我黎講係好有意義嘅一個父女間小互動 話說囡囡一歲半，最近開始對嫲嫲好抗拒，可能因為少見，而嫲嫲又唔係好有耐性又唔識同佢玩。嫲嫲因為呢件事，加上另一個孫又抗拒佢，搞到好唔開心。今日中午一齊出街食完飯之後，走嘅時候我叫Tokyo 拖住嫲嫲，佢即刻甩手擰頭say no。咁我就抱起妹豬行埋一邊，細聲同佢講:「Tokyo, 你唔可以咁對嫲嫲㗎。嫲嫲好錫你，想同你玩。你咁樣嫲嫲會好唔開心。你今朝應承過我話唔會對嫲嫲say no 㗎，你唔記得喇？你俾嫲嫲拖下得唔得？」講完，Tokyo 答:「Ok」到呢一刻我都唔sure 佢聽唔聽得明。不過我放低佢之後，佢就伸手俾嫲嫲，話:「拖、拖」 之後就一直拖住行😳😱🥺 Tokyo 真係好叻女好乖乖 🥺😭