Lm

啱啱開始入U 迷茫其實都唔係咁uncommon，當俾個機會自己摸索下自己想要d 咩先。year 1 趁讀d 嘢未咁chur，俾自己試多d 唔同嘢，上下莊返下工咩都好。以前讀中學係父母老師都掉咗入U個目標俾你，但依家就係你自己搵自己嘅目標，迷茫都好合理呀。慢慢摸索、認識自己，咁其實都係成長嘅一環來嘅。

好正常嘅。 入到中大，除咗揀好 major 之外，睇下其他 有啲乜嘢科係好似有興趣，時間啱，又自覺應付到 workload 就修下：試下多啲唔同可能性，唔好俾你從中學啱啱上嚟、未開闊嘅眼界限制咗自己興趣同發展可能。 住得 Hall，就好好享受下喺 campus 生活嘅便利：（1）唔駛日日搭車返學放學，慳咗啲時間，諗下點樣用好啲；（2）campus 好多設施（圖書館、gym、lab、自修室...），學費包埋㗎。 上莊、搞 soc 或啲年度活動，除咗學下啲組織能力，都可以識到其他系、書院嘅同學，拓展下人際網絡，呢個都係大學生活嘅重要部份。 大學生活，尤其是讀書方面，唔會再好似中學咁樣餵埋俾你，好多時教授、講師講完一個題目，其實係 expect 你自己返去睇書、做功課、搵資料，所以時間表你有空堂，唔係俾你 hea ，而係你應該自己去搵返相關嘅材料去繼續讀書。