[人手比例］ 社工日常 早兩日收到個同事交份埋數比我，我望一望，啊，係迪迪尼，順便問吓個同事好唔好玩。跟住個同事唔出聲，我以為自己講得太細聲，我趷高個頭望下佢，點知佢黑黑哋面咁。心諗咩事呀，咦家啲年輕同事去吓outing 都咁唔好老皮嘅。 之後個同事終於出聲問我，明明個活動原本有兩個pw 幫手，點解臨去之前cut 咗佢，又話當日都有啲突發野，好難搞，又話差啲走仔。 佢咁講，我都即刻回想吓先，哦，我終於記得啦！ 說話之前單位收到免費迪士尼飛，我老細叫我求其搵個同事去，順便當係搞個大型活動，我數下都有幾廿個人參加，就叫咗幾個同事出，呢啲咁鬼多人嘅活動，啲仔又唔係個個咁醒，搵多個同事出點都穩陣啲。之後有日我經過我老細間房，岩岩比佢叫住咗，問我迪士尼有幾多個人去喎，我咪話搵咗幾個同事。點知佢話唔好搵咁多人，叫我唔好比咁多pw 去，話費事啲家長話我哋特登比啲同事去玩。 留言續