記得以前中學返學同老Best 每日係地鐵站夾的士上學校 啲的士司機見到我哋着校服認得我哋間學校 會嫌太近又會塞車所以10架之中有8架都會 冚旗/鎖門唔俾人上車 咁樣其實係唔啱不過都算 有一次我上咗架的士安全帶都纜埋 個的士司機係咁趕我哋落車叫我地上後邊嗰架 嗰時就快趕唔切返學要遲到個人都燥燥地 我直接爆咗句「咪_煩啦車我去差館」 個司機即刻呆咗冇聲出 最後死死地氣車咗我哋幾個上學校 我毫子都要佢找足 我相信個的士司機係見我地係𡃁仔先恰我哋 同埋根據我中學三年幾乎日日搭的士嘅經驗 都真係好多的士司機好差 絕對唔係電視上講得少部份嘅害群之馬 圖中就係我曾經朝朝等的士嘅的士站😮‍💨 香港的士