認真認真！話我講到唚氣都係㗎啦，啱啱同客人傾偈，原來而家坊間非常推廣頌缽，話頌缽可以幫助身體健健康康，又可以正面思維，但係！！ 要記住，頌缽係一個法器，佢係喺咩時候用嘅呢？ 就係做儀式，做法會嘅時候，一路敲頌缽，一路招靈，如果你唔係一位修行者，你唔能夠睇到有冇靈體存在，唔能夠感受到能量正負頻率，你唔好輕易去玩頌缽。因為你永遠唔會知道你敲頌缽嘅時候究竟係調整到你身體嘅頻率，改善到身體健康，定係不斷吸引緊靈體到你身邊同呢個空間。 好多客人問我想學瑜伽，但係個個瑜伽場地都勁陰，會令到人頭暈唔舒服，我就話佢係咪有教頌缽呢？ 果不其然，梗係有啦，因為成間課室，走廊都企咗好多靈體，成幢大廈嘅氣場都勁差勁怪，原來嗰幢大廈勁多瑜伽教室，客人搵到資料仲有好多間瑜伽教室都係有頌缽加瑜伽一齊上堂🫠🫠 奉勸大家唔好再盲目跟隨，身心靈嘅崛起隨之而來係無知同迷信，所有音叉，頌缽，金剛杵呢啲都係法器，唔係隨隨便便小麻瓜都可以用🥲🥲🥲 靈性分享