致夜晚瞓唔着，Emo緊嘅你 有時候遇到傷心同失望嘅人同事，但係千祈唔好放棄 可能因為有啲人唔重視你，有啲人講咗啲傷害你嘅嘢，但係唔好放喺心入邊，因為人生係你嘅，你先係主角，任何人都冇資格話你唔得，唯獨是係你自己唔可以睇死自己 呢個世界冇話冇咗邊個係唔得嘅，所以就算係最壞嘅情況，得返你自己一個，你都可以活得好好地 致學生 我明白開學好痛苦，有讀書叻嘅人，亦都有讀書唔叻嘅人，但係我想你哋可以明白，每個人都有佢自己擅長嘅地方，叻唔叻都好，都唔好攞自己同人比較，因為喺你嘅故事入邊，你已經閃閃發光。 致工作者 出到社會做野難免會遇到好多唔順心嘅事，有攞白卡嘅同事，有亂咁刁難人嘅老細，但係我都想同你哋講一句，唔撚使理佢哋，因為返工唔係為咗同佢地玩煮飯仔，好多嘢唔需要你做到事事完美，只要做好自己本分，其實已經夠晒。 致忙碌咗一日，平安返到屋企嘅你 辛苦曬🫂