食物質素的堅持 之前來過呢間餐廳食下午茶覺得很讚，今次同好朋友慶生，來食餐好ge。 手搖秘制醬汁海鮮拼盤套餐（$688） 餐湯係好濃郁的粟米湯，仲有一粒粒好似薯仔的口感，唔係罐頭牌的濃湯，似係自己打拌的粟米，打忌簾而成，好好飲。餐包係蒜蓉多士，啱啱焗起，點粟米湯食好夾。 煙三文魚意大利黑醋沙律，好新鮮的菜同三文魚，尤其個沙律汁酸酸甜甜好開胃，個沙律好快就被我地食哂了。 重點個海鮮拼盤，兩大隻龍蝦，龍蝦肉新鮮爽口，兩隻大蝦，兩隻青口，幾隻魷魚，仲有好多隻沙白，海鮮食得出的鮮味，特別一讚係佢個手搖秘制醬汁，甜甜地的蕃茄汁，又加左少少辣味，似Tobasco的辣味，濃度剛剛好，配上好多的薯仔同粟米在底，唔驚唔夠飽。 甜品可以選芝士餅或者雪糕，我地選左一個藍莓芝士餅一個開心果雪糕，芝士餅藍莓味好足，又唔會太甜，至於個開心果雪糕，好濃的烘焙奶香味，好食。 📍Potluck Eatery (尖沙咀) 尖沙咀柯士甸道136-138號金門商業大廈地舖