我和最好朋友嘅交义人生（二） 我同我最好嘅朋友，小學畢業之後分別去咗兩間不同嘅中學。而佢，係中學終於冇再被同學排斥杯葛，開始慢慢有自己嘅朋友。而我喺新環境下，都認識咗一班新嘅朋友。而我地喺彼此心目中嘅地位，並無因為去咗新環境有新朋友而改變。我哋依然一個星期見最小兩次，我依然會一邊浸浴缸一邊同佢傾2個鐘電話。 直至18歲，係我哋第一次真正分別嘅時候。當年佢因為父母唔支持女仔讀咁多書，好早已經出黎半供讀做野，而我就預科畢業就飛咗去外國讀書，一去就去左10年。 而感情方面，我哋嘅際遇都係南轅北轍，我15歲已經第一拍拖，一直以來都冇乜single 過。而朋友就相反，咁多年一直都係single ，直至26歲，佢終於上網認識佢第一位男朋友，一個住德國嘅外國人。 我地27歲果年，即係我返香港果年，我地嘅人生，又再次嚟到另外一個轉捩點 「續」