有冇朋友推介倫敦好用嘅賣買二手物品嘅platform/途徑？ 話說我以前係一個好中意買嘢嘅人。 移居倫敦， 就直接將成個香港屋企嘅雜物搬晒過嚟。 雖然已經抌/買咗2成， 但係其實都仲有好多嘢， 衫、飾物、擺設、玩具⋯⋯ 然後，响度生活咗一排， 慢慢覺得好多嘢都可以簡化， 做人其實唔需要咁多身外物， 例如我唔需要同時擁有風筒、捲髮器、直髮夾 先可以吹乾個頭同間中set吓造型。 又例如好多衫當時覺得靚， 但明知唔係自己著得最自在嘅款式 都照樣買咗落嚟，最後只係著過幾次。 喺香港嘅生活太過物質化， 因為四圍嘅資訊都係圍繞着消費， 即是商人如何吸引你將辛辛苦苦賺返嚟嘅錢 從你嘅戶口走入佢嘅口袋。 忽然間覺得擁有嘅物品好多都係多餘。 我有書、衫、玩具、小家電， 好多都仲好新淨， 雖然唔係好新款， 唔想抌咗佢哋咁嘥，但留住又其實用唔著。 倫敦生活