繼續分享啱啱嚟到嘅經歷 第一年一邊打奶茶工，一邊讀書，過住一個禮拜忙足七日嘅生活。 去到暑假嘅時候就膽粗粗打電話去搵 landscape 工，又係傾完電話約出嚟見吓面就請咗啦。然後又一邊沖奶茶一邊做Landscape，有過住忙足七日嘅生活。 除咗日常嘅剪草之外，間中都要上下樹，做吓工程咁。個人嚟講我就比較鍾意上樹多啲。而教書/讀書有冇用，我唔評論，但嚟到加拿大之後我都係覺得做landscape呢份工比教書開心啲。起碼冇咁多勾心鬥角，大家有嗰句講嗰句。 講真一開始要放低香港嗰套其實都幾難，尤其係要放低面子去派cv，但求嘅只係搵一份min pay嘅工。但慢慢就開始接受咗呢種生活，仲走咗去做平時香港人睇唔起嘅藍領。雖然每日返到屋企都係周身草葉泥，再加周身骨痛。但比起坐喺教員室，我更加享受喺大自然入邊嘅工作。冇錯，日曬雨淋真係好辛苦，但係心靈都幾滿足吓。