十幾歲嗰陣拍拖，有兩件事影響咗我十幾年。 . 其中一任係好認真成熟嘅女仔 但當時我份人好求其 有次落雨用縮骨遮 收遮嗰陣我就咁摺番埋 然後佢話我點解唔捲番好先 我話：「使乜咁煩，反正下次都打開㗎啦～」 然後佢好嬲，一摺一摺咁捲番好。 . 再有一次，我哋拍拖出街玩， 當時未有Google Map， 我話：「到時搵唔到問人咪得囉，路在口邊～」 佢又好嬲話：「冇人要奉旨幫你，自己做到嘅嘢盡量唔好要人幫。」 . 呢兩件事影響我好深，我到而家都記得。 自此我做嘢都好著重所有細節，唔可以得過且過。好多事都盡量自己做，就算人哋話幫，我都唔想麻煩人哋。