見到啲所謂加拿大KOL帶頭叫人唔好畀tips就覺得呢啲人真係好冇水準😂為咗唔好整臭香港人嘅朵，做呢行嘅我想解釋一下成個系統點運作，唔係想叫大家一定要撳18%15%，但至少做人唔好咁無知🙏🏻 1️⃣越高級嘅餐廳，server就要分愈多%tips畀餐廳 所有餐廳就係咁嘅制度，你咁唔滿意呢個文化嘅話建議你唔好去任何貴價餐廳食飯🙏🏻因為個server係真係要幫你畀翻公司。 唔係每間餐廳都係咁同server分tips，我都聽過有啲餐廳好cheap，會袋走好多貼士再平分畀啲員工，但呢啲大部分都係啲茶餐廳/唐人開嘅餐廳先會咁做；而啲高級餐廳我聽講要分10%畀公司，所以點解啲高級餐廳個tips options 通常都係18%起跳。 2️⃣服務問題 你覺得佢完全冇服務，no tips，可以理解；但如果所有嘢正正常常，佢有主動serve你，點解要你要咁對佢？😂你喺香港食飯都有加一，咁點解你唔可以喺度食飯都至少有10%？你係香港食飯會唔會都大叫我唔要畀加一？ 你鐘意點畀貼士，係你嘅個人選擇，我唔會judge。但一味公開指責呢個文化，你同啲係香港踎街打尖嘅大陸人，再上網話香港人好唔友善有咩分別？