大家讀咗12年書都係為咗prepare DSE 每個人都有唔同嘅期望 有讀大學嘅人會比冇讀大學嘅人容易搵工 其實讀書咪就係為咗錢 其實大部份有錢人佢細個嘅時候就有自己嘅諗法 先可以書都唔讀就出嚟創業 咁所以我哋呢啲冇料冇獨特諗法嘅 就被迫要讀書出到嚟幫人打工 但其實諗深一層 大家其實係咪享受讀書呢個過程呢 DSE只係人生嘅其中一個小考驗 出到嚟社會大把考驗等着你 但係啲父母就會比好大壓力啲學生 講到考唔到大學好似就會死咁 搞到啲學生勁大壓力 好多人跳樓 所以其實我哋係咪可以喺根源上面改變？ 香港嘅教育制度係填鴨式教育 逼你學晒所有佢認為你要學嘅知識 但根本冇考慮過其實學生都有自己嘅興趣 嗰啲做髮型師、化妝師嘅 就俾人認為佢哋係唔讀書 出到嚟先要做呢啲職業 但其實呢啲職業都值得被尊敬 填鴨式教育就係你一定要入到大學先會有前途 唔入大學等於送死 大家會好鄙視呢啲職業 細細個啲父母就會灌輸大個一定要做醫生俾仔女 因為醫生搵到錢 到頭來咪就係因為錢 因為榮譽 但呢啲虛榮心就會令啲壓力俾晒個仔女 令到佢哋一定要跟着父母嗰套走 呢個就係香港嘅傳統觀念