睇完 @kevinshee 講基金d故仔 我都分享一個基金吸血的故事，不過我冇咁本事，只可以由消費者角度講 大約8年前左右，IT界某行業必須用的軟件，有一間有領導地位的軟件公司，突然比一間英國的退休基本收購左 個時好多人先知道，個個英國退休基金之前仲收購左第二名個間，兩間加堆大約估左世界80%市場，係佢地自己講架，冇屈佢 結果呢，8年間，每兩年加一次價，目前加左5次價（咁佢地都傻唔晒，升幅除左頭兩次，之後都算加得少） 仲要收購完之後，停晒所有打折 例如prepaid 折扣 複數購買折扣 最絕原來係用幾多個系統計數，而家計完系統再同你數個系統入面有幾多用戶來收錢 結果所有供應商依一樣野成本最少升左3到4倍，如果你客越多，比得越多 結果大家除左嘈都冇咩好做 大家就去英國個間退休基金個google map落1星 點知原來個間野d人真係會介意🤣 佢地之後仲要搵返佢d供應商幫佢落左5星，其實冇咩意思，單純係道氣 所以基金真的目前資本主義最萬惡的產物之一 完全只講錢，入面唔會同你帶一絲人性