講下加拿大理財重要一環 - 信用卡 響香港大家都可能係求其用cash back card 或者asiamiles 卡，但係加拿大信用卡係複雜好多，尤其新移民因為一開始未有收入就求其揀或者用返香港張卡，千萬唔好咁做，因為加拿大credit score 好緊要，而你亦都應該儘早開始做靚個score，但係記得唔好隨便網上禁，加拿大個信用卡審批係弱智，純電腦做，你冇工冇報過稅就算幾百萬cash 響戶口都係會唔批你，同埋你係咁申請會係咁扣credit score，所以可以去下分行問。 下一樣就係揀邊張卡，呢個係好長好長ge topic， 可能要分幾個post 講，但大致上係分3派，aeroplan，avion 同埋AE，一定要好有策略咁揀，要睇你自己去開邊度旅行而儲唔同point，我自己就係儲分返香港同日本比較多，所以我揀左AE，千萬唔好懶同埋覺得冇所謂，我認真儲係每年可以儲到兩張香港溫哥華business 來回，都好多錢！下個post 詳細講點運作 溫哥華溫哥華溫哥華