今日分享一個有關日本企業攪笑的故事 好多人對日本同日本人有一種憧憬，其實我都一樣，但當你了解一個地方越多，你就會越了解佢地負面野，其實佢地都係一個普通人，係香港預到的事，係日本一樣預到 我係一個長期海外消費的人，所以無可避免需要使用不同地方的集運服務，日本集運當然係經常使用地方之一 大約係肺炎剛開始一年左右，有次幫個朋友入批貨，不貴，幾千蚊左右，但比較大件，之前都寄過幾次冇問題的 點知到最後一次，當佢話已經寄出，但日本郵局係無記錄 問個間公司客服，當然係答你系統未更新 咁過下一個星期，兩個星期，到左平常應該到的時間都未收到 問個客服個時，幫你跟進下，幫係同郵政報寄失 ，再唔係已讀不回 加上件野野唔關我事，又唔係咩大數，所以我係hea追的 當然有人話，集運多數係華人跟，唔關日本人事之類，不過依間係寫到明，背後總公司係一間日本企業 大約事隔一年，到我有一日心情唔好想搵野玩下個時 我就走左去佢地總公司個website 用英文帶少少禮貌寫返我個情況比總公司知 當然最後尾我都寫左一句（英文唔好就唔獻醜） 大約意思係咁：如果解決唔到，肺炎開返關，我就第一時間去你地公司搵你地拆掂佢