做咗保險12年，講下每年agent送月曆 🗓️ 1. Agent送月曆，好多都係想有啲原因去見下客，睇下有冇新生意機會，當係一年一度嘅敲門磚。 2. 好多客以為係保險公司送，但其實係Agent掏荷包比錢買，啲月曆的確比出面逐個買平，但at least唔係唔駛錢。 3. 有啲行家嫌公司訂嘅貴，有啲會淘寶或者訂其他公司，印番公司logo落去，月曆質素差其實唔關間保險公司事。 4. 每年都會剩唔少月曆，為免比客覺得啲月曆唔值錢，就寧願掉晒佢，都唔想大事鋪張叫人去拎。 5. 有啲客會期待年年都有，冇就覺得agent「跟得唔好」，所以有啲派咗一年，就點都要keep住派。 我嘅諗法响comment 💬