今日energy level 偏低 起身食完早餐出門口去教班，上堂時精神並唔係完全能夠集中，對今日教堂嘅表現唔係十分之滿意 😕 做完嘢返到屋企，出露台淋花，可能個腦諗緊其他嘢，閂門嘅時候唔小心夾到自己隻手指公 😣 3點終於有機會整簡單午餐，想烚兩隻雞蛋食，滾水落蛋嘅時候，第一隻放手時太大力，隻蛋裂咗 😔。烚完見到第二隻蛋都裂埋 ☹️ 以前我會好忟憎，不停問點解會咁，或者鬧自己點解做得唔好。但係今日我冇。 同自己講下堂做返好啲，prep好啲，之前嗰晚試吓幫自己瞓好啲。 夾到手指係堅痛，成隻手指痹咗仲即刻瘀咗，我冷靜地响冰箱攞包 Frozen Spinach 出嚟敷吓，好彩就係敷完手指冇腫，依家夾到個位只係有少少瘀。 雖然兩隻蛋都裂咗，但係又好彩冇漏晒出嚟，雞蛋仲完美離殼。 仲有一點好慶幸嘅係，我家貓兒成個晏晝都好乖，冇乜騷擾我，話佢知我夾到手佢仲呵返我。 以前真係依啲咁雞毛蒜皮嘅事我都會嬲自己一餐，而其實對自己冇好處。原來放開啲，放鬆啲，就放過自己多啲。 倫敦生活