我係一個同性戀，基佬。 我幾時發現自己鐘意男仔呢？大約係中三。我讀男校的，而中學大家都係鳩下鳩下，同學之間小息放學有身體接觸好平常。一直我都冇為意自己原來會對男性會有好感，直至有一次，有個同班好靚仔既同學中午無啦啦坐埋嚟我大脾度un（我地班啲男同學好鐘意咁玩，直男之間都係鐘意扮gay整估對方），我先意識到自己有生理反應。當下既我係好迷茫，一直以來我都係人云亦云跟住同學講咩「大波妹」、「AV女優」（我一直都唔get有咩咁吸引），純粹係覺得跟住講就可以融入到佢地圈子。在此之前我係對同性戀冇任何概念（即使係咁，我都相信係天生，原因之後再講）。 估唔到，呢個身份會徹底改變左我一生⋯⋯