今日睇到幾個關於小一入學申請po。完全明白爸媽嗰種折騰😂。當年前大女都經歷過小一面試遊戲，基本上私立/直資都有報下，報名唔係問題，到面試高峰期先煩，熱門學校之間都有機會撞期，所以都幾鬥智鬥力。由開始報名、面試到有offer嘅幾個月時間都幾折磨，過程係不斷訓練家長耐性同EQ，同時又唔可以俾壓力小朋友。考咩小學大概都係父母個人決定，有冇offer又好睇小朋友當日表現/運氣。所以爸媽係會特別緊張嘅。啲人成日話考小學仲難過考大學，呢句真😂！因為咁啱今日同大女去學校搞嘅University Fair，個氣氛同心態已經好唔同，大家都係輕輕鬆鬆了解下心儀大學/學科。之後就會陪佢去下Open Day/Info Day了解多啲。11年咁就過咗，轉眼間由小學生變少女。今日已經係佢自己計劃將來，自己做決定嘅時候，我可以做嘅就只係旁邊俾啲意見。😌😌😌