當年選擇移民竟然係因為算命八字 今日同個CBC同事傾計，佢地問我香港稅又低，又多嘢玩，點解要呢個時候黎加拿大挨苦，呢下又真係一個好問題，我唔討厭大陸人，因為香港ge 問題並係出自D人而係個管治階層，個個地方都有好人壞人，所以我從來都唔會標籤，諗諗吓就發現當下做呢個決定係因為算命。 由細到大都中意算命，會成日睇蘇民峰d 節目，又會去買書學上網學，大學仲有幾年無聊網上幫人算命，久唔久就會望下自己D大運流年運，有一日睇到自己32歲個10年大運係移民運，紫微斗數遷移宮又武曲天府化祿，隔幾日就出救生艇計畫，個人即刻叮一聲，不如試下！就係咁樣毫無誘因下就走左 一路都信算命係因為覺得人生好多嘢係注定，我大學讀非金融，一畢業完全唔知自己想做咩，一整年係咁轉工做唔同公司ge MT，但係份份都做一陣就想走，又突然間俾我入到一間broker ge MT，咁先誤打誤撞入到行，做落又好有passion，所以我知係整定 黎緊又因為算命做一個人生好大好大個職涯規劃決定，唔知今次又中唔中🤯溫哥華溫哥華溫哥華