媽寶男（二十一） 好彩我地都最終都成功早兩個鐘到達機場，但UO機嘅terminal母雷公咁遠，行moving walkway行到apple watch問我係咪exercising，過埋bag drop, 海關同岀境，已經距離boarding time唔夠半個鐘。 雖然K個背囊長期袋住麵包，但佢話嗰啲係儲糧，因為佢每兩三個鐘就會肚餓😇，麵包要留返飛機上食，要喺gate隔離間餐廳買個鰻魚飯食飽先上機。 由於佢patpat一掂到張櫈五秒以上就會拎電話岀黎打機/睇片，所以佢食飯係慢過隻🐢。最後一餐當然都唔例外，攞到個飯埋位，我提醒佢已經得返20分鐘。 佢把口話得啦得啦，對眼冇離開過個mon，我睇住佢照㩒開隻game，然後一直喺loading頁面入唔到去，佢先抬起頭，同我講佢用哂data，用😃樣叫我開hotspot俾佢。 過咗咁多日我都開始頂唔順，唔太控制到自己🤣，我以方圓兩張枱都聽到嘅音量同佢講：「咁咪專心食！玩少一陣唔會死！」（宜家聽落咁似細個我媽同我講嘅嘢🫢） 之後佢就一直黑面，直到上到機坐埋位，先細細聲叫我放hotspot俾佢同佢媽講已上機。 （下篇續）