則師界奇葩系列三 既然講開遠古時代嘅嘢，咁就講下大學時候啲嘢⋯⋯ 話說，好似係year 2 summer (石器時代嘅嘢，唔係好記啦），有兩個𡃁𡃁師姐係一間蚊形則樓（只有大老闆、頂頭、師姐x2、大drafts 同我6個人）做year-out，咁就話老細想請個summer 幫下手(個時重未經歷1998金融風暴，個市重好L旺）。 我心諗：嘩，發啦，有𡃁師姊教我做嘢又有錢賺又有經驗寫CV，三win，更係去馬啦！！實情又真係咁喎，三win，真係要多謝嗰時介紹嘅師姊們，只不過除了三win外，bonus 係多咗個超癲嘅頂頭（大老闆下最大佢）⋯⋯ 有幾癲？有一次，佢叫我畫fence wall working drawing …咁我yr2，讀U都係玩Concept，唔多識working drawing format , tide dimension , setting out 呀都好正常，我亦虛心學習及OT，但嗰頂頭只要我錯少少就鬧爆，但係佢好醒，捉我入房鬧，唔俾其他人知，有時重會當我小朋友咁用力扯我耳仔，我當然有反抗，佢先冇再郁手，但我爻底唔敢port 佢（年少無知） 續⋯⋯