唔記得左講下我自己。如果真係要形容，就係內向、兼且蠢。喺呢間學校讀左5年，朋友一隻手指數得哂，主因係我多數lunch time自己摺喺圖書館涼冷氣。咁我隔離位係個咩人呢？就係讀書好叻、幽默、而且好受同學歡迎既人。缺點係口好臭，成日笑呢個智障嗰個讀書屎。雖然佢表面係衰，但我有時會覺得佢始終係個幾關心朋友既人，我平時有咩功課上既野唔識或者睇落唔太開心，佢都會幫我同埋搞下爛gag引我笑。把口咁臭可能純粹因為佢有ego，見過唔少直男都係咁，鐘意喺一堆男人圈子入面扮下man，好小事。 當然，結果就係我鐘意左佢。至於點解，我都唔知，可能自己犯賤，知佢有笑過同級另一個出左櫃既同學，我都仲樁個頭埋去。 鐘意佢既感覺一直喺我內心蘊釀。同佢坐埋三個月之後，我先發覺自己已經去到每朝一起身、每晚臨訓前都會諗住佢既地步。嗰段時間我一直都好唔開心，特別係當聽到佢有時上堂會叫隔離班個同學係「死基佬」既時候，我個心都會揪住揪住痛。所以，我本來打算永遠都唔同佢講的。既然知道左結果，仲有咩好講？世界冇咁浪漫的，直會比人拗攣只係BL先會有既情節，現實係佢知你係gay唔行遠幾步你都要偷笑。 待續。