Yoasobi = u are 傻b 😀 Yoasobi演唱會飛警世❗️超新型騙案 我相信我係頭幾個苦主😮‍💨， 我用4000蚊當上左一課，希望幫到大家！ Carousell 依家一大堆炒賣緊Yoasobi 演唱會飛嘅黃牛，大家請小心個啲話可以 「先轉飛，再過數」嘅賣家，因為係1000000%呃人。我岩岩親身體驗過啦，新鮮滾熱辣！ 你真係會喺官方app嗰度睇到佢送俾你嘅嗰張飛，但張飛會顯示 「票價 TWD 0」 ， 「Yoasobi 」個名有好多空格，唔可以連埋一齊。 當你轉數快左俾騙徒之後，張假飛會即刻消失咗。 但你依然可以用佢俾你條link 見到 「你不可以將票轉給自己」。 我過左錢之後十分鐘後，立即意識到俾人呃咗。 已報案處理，警方立左案了。 呢個真係一個好新型嘅詐騙手法。因為大家可以真係喺官方個app度見到將有QR code嘅飛！！！我身邊所有人，包括警察都聽到O晒嘴🥹 多次同我確認係咪真係官方個app度收到張假飛，然而我確確實實係收到仲cap埋圖， 如下附上一張假飛請大家睇👇🏻: