之前脆到有好多人話老師8萬蚊一個月唔值，已經有好多留言講過一間學校升到SGM拎到咁嘅人工真係唔多，我喺到就唔再多提了。 而值唔值，真係取決於個老師本身付出嘅努力有幾多。我做老師嘅時候用好多時間備課，整PowerPoint，改文，出工作紙，做admin嘢，星期六都返學校改文。工作時間平均係0600-0100，lunch time仲要同啲學生練speaking / presentation，好多時連lunch都skip埋，而我嘅人工只有三萬幾。除返開其實可能最低時薪都無，以我所知，比我早起身，比我遲走/遲瞓嘅老師大有人在。 利申：無講過其他工作唔辛苦，亦無意引戰。 而我都唔否認香港有老師工作量唔係咁大，對學生或者教學工作唔太上心，依啲老師都大有人在，但係我自己成長經歷遇過嘅老師/我出嚟做嘢之後嘅同事其實大部分都好好。希望大家唔好一竹篙打沉一船人。 我覺得有心嘅老師係值得依個價的。依家做緊私人補習，仍然想對得人對得住自己，每個學生啲notes / 練習都係根據佢哋嘅興趣而出。希望引起佢哋嘅學習興趣，令到學習不至於咁悶。可以做到嘅就盡做。