《多倫多大學宿舍日記》 過到嚟多倫多因為太遲先搵屋咁冇辦法唯有租宿舍住啦，都唔好彩俾學校編去雙人房，我而家住嗰個單位總共有四個人，其中一個同我同房，理所當然咁舍友們全部都好唔正常🥲🥲，先講下同我同房嘅舍友A： 1.一個人霸住一個廁所：單位入面四個人兩個廁所，咁supposely兩個人用一個廁所㗎嘛，佢自己一個人放晒自己peronsal嘅嘢入去然後仲要積咗一堆垃圾唔丟，搞到我同另外兩個hallmate要三個人用另外嗰個廁所。 2. 直接用埋我啲位：好似圖中咁佢擺住佢對鞋喺我個衣櫃前面😃😃，明明我同佢有嘅空間係差唔多 3. 成日熄我燈：佢自己成日用完廁所用完廚房唔熄燈，佢要瞓覺嘅時候而家就直接熄埋我枱燈，我之前諗住好心唔打擾佢瞓覺所以佢瞓嘅時候我走出客廳做自己嘢，但係唔係理所當然要走出去，佢而家會直接同我講我要瞓覺之後熄我房燈檯燈然後趕我出去。 除咗第三點可能有啲討論空間之外，完完全全係一個惡劣roommate，我仲要頂多八個月啊😩😩，脆友們有冇咩建議可以幫我改善呢個情況🥲🥲 多倫多 多倫多 多倫多