11.09.2024 我知道我同你已經越行越遠 遠到其實我一直都系原地 而你不停咁向前行越走越遠 回望呢幾年 回憶越嚟越空白 開心既回憶越嚟越少 吾開心既記憶越嚟越多 多到一諗起只系得吾開心既記憶 你就好似一個洋蔥咁 當我一層一層咁搣開 到最後怪責你原來系冇心 但原來我一層一層搣開既就系你個心 由一開始你已經將你個心交左出黎 只是我吾相信 我好多謝你咁耐以黎 每次系我講晦氣說話 叫你走推開你既時候 你都好堅定咁吾走 冇尊嚴咁跟住我尾 會有耐性咁撬開我把口 我知道依家既你覺得好攰 覺得無論你為我點變都好 我都好似一直都吾滿意 漸漸你變得吾識點去氹我 最後呢次推開左你 你冇再返轉頭 曾經年少無知既我地 幻想過將來會好幸福咁永遠系埋一齊 人越大越發覺點解我等左咁耐都等吾到 開始質疑自己係咪唔夠好 開始懷疑你對我既愛 不停咁內耗自己 到最後失望夠就自己走 我地之間亦有好多問題 而呢啲問題一吾夠愛就浮現出嚟 你冇諗過改變我 而我都冇諗過改變你 我哋都覺得大家系段關係入面覺得辛苦同吾開心 吾想對方難受而分手 最後我地最終都輸左俾時間 輸左俾吾適合