جيل 90 انا مش مصدق ان اهم 10 سنين ف عمرى ضاعوا وانا قلقان وبفكر ازاى أدبَّر الاكل والشرب اليـومى وأسدد فواتيـر ميه وكهربا وخلافه وعينى رايحه جايه ع الاسعار اللى بتتغير كل 48 ساعه وان حياتى منحصره ما بين النهارده وبكره، مفيش فرصه للتفكير ولا للتخطيط لمستقبل، مفيش بكره مفيش أحلام لسنه قدام ، 10 سنين اتحسبوا عليا حرام ف حرام ، لا الوضع يوم إتعدل ولا انا عارف أبقى تمام ،!! دى مش مصيبتى لوحدى دى مصيبة جيل كان مُقبل ع الحياه بقوه وفجأه اتحجِّم واتلجِّم واتسلسلت حياته جوه متاهات يوميه صعبه!