🚘北島除咗奧克蘭市，仲有好多必去但長途景點，如果由奧克蘭市中心出發，可以上Klook或Cheeky Kiwi/Crew adventure網上訂一日遊，但大約要港幣千幾蚊一人，所以下次會租車，推介Omega租車公司，大約NZ$50一日，同澳洲一樣只要帶有英文嘅駕駛執照(香港車牌都得)。 1.🌋Rotorua Island羅托魯亞 火山區，必去Te Puia蒂普亞毛利人文化村，90分鐘tour介紹毛利人工藝製作，會見到面上紋身嘅毛利人工作，如果要睇Haka舞，冬季只有11:30am一場，夏季會比較多場次。Tour仲包括睇火山自然景象，包括間歇泉等。最特別係探三隻NZ國寶奇異鳥，因為佢哋夜間活動朝早瞓覺，所以會摸黑入去睇佢地，佢哋好可愛，係雀頭雞身，因為退化所以原本識飛嘅功能冇咗😂除咗文化村，景點仲有Polynesian Spa浸溫泉♨️(共有五個唔同溫度池，記得帶泳衣，有毛巾沐浴液提供)、紅樹林夜間步行、Kuirau Park泥漿浴、太空球Zorbing、Wai-O-Tapu有唔同顏色嘅地熱池等。一日遊最多可以揀兩個景點，自駕就自由啲。