今個星期一有幸睇到<<命案>>加拿大首映，感謝 @illume_films 帶到黎加拿大！ 好多人唔認命，偏偏一直被過去及將來唔同的因果牽引住；亦有人順應天命，隨遇而安。就好似碧咸係香港紋身紋個句：「生死有命，富貴由天」，呢套電影探討既命題就係應唔應該順應天命？如果條命係定左，唔認命又可以點樣鬥贏個天？ 用風水作定調既港產片對上個套可能已經係<<行運超人>>, 而台灣最近都有套<<咒>>,不過係偏向鬼神多啲, 似乎用風水命理做背景係台港獨有既電影題材之一，係國際電影上係獨特既存在。 講返劇情，戲中情節係環環緊扣，節奏緊湊，每樣事件都會成為下一件事既因，而主角最後都發現要將自己變成因（我係花*10分鐘），先阻止到一場兇殺罪孽既果，亦因此承受沉重既代價，所以最後我係戲得到既message 唔係應唔應聽天由命，反而係如果要得到好既結果就要有承受沉重代價既準備。 題外話，以前有個研究係美國幾間大監獄拎d 重犯既DNA 睇下有冇相似既地方，發覺好多重犯都有super-male disease, 姐係染色體多左1條，甚至2條Y (XYY/XYYY), 然後定斷呢種症既人係會衝動無同理心易犯案