濶別職場18年,今日第一日重返 心情既緊張又興奮😂 話說去了一間鄉郊公司面試做clerk,公司本身招聘廣告冇寫什麼部門,見工時HR大叔就話請我做雜務😂,抄下公司水電錶,幫老細處理下租務, 點知道今日返工先知道坐會計部,但姨姨本人係冇實際會計工作經驗,雖然有讀過,但從未做過會計部 會計部有2個head, 夾埋我有4個clerk,全部係姨姨😂,Head係一個大姐加一個伯伯,我返咗一日工,覺得自己返咗老人院咁😌😂 會計阿姐係一個冇乜笑容嘅姨姨😌,好似訓導主任咁,會捉我哋傾計同行路聲😂,話說我今早要行去佢位問野,佢突然用冇靈魂嘅眼神同我講,你行路要細聲d😂,太大聲怕嘈到樓下.....我就忍唔住笑同吓咗一聲😂 部門入面本身冇人會傾計,可能做會計嘅人就係咁,話說我今早有啲問題搵人事部個姨姨問下,順便就social 下講幾句喇😂.....點知阿大姐突然開聲叫我返埋位入data,唔想我同人傾計😂,我只好返埋位做野 留言續