Atomic Habits P.20 《The most powerful outcomes are delayed.》 每次日文堂，老師用開頭嘅時間同我哋閑聊 如果嗰個星期有特別假期，就會問吓我哋有乜嘢做 每堂都係咁，只要準時嘅同學仔就有呢個閑聊嘅機會 每堂都會有呢個專屬嘅時間嘗試用日文向老師表達 唔經唔覺，原來我上咗日文堂已經就快兩年... 昨日嘅日文堂，我向老師講起我坐朋友嘅新車 新、車、朋友、妹、教、坐等等嘅日文詞語 其實喺好初頭已經學咗 但係琴日我覺得自己突然間口語暢順咗 事後都覺得好開心... 竟然唔使作一啲假設嘅故事 而係base on自己真實嘅故事講俾老師聽 在望望我duolingo, 原來已經214日 最近解開咗口語錄音練習， 唔單止要揀詞語，仲要練習講佢嘅句子 唔知係唔係因為呢個關係，我多咗口講日語嘅機會 有時候自己在街上都會練習，唔理世俗嘅眼光 以內心就喺度諗：「可能街外人覺得我用日文錄音同人傾緊偈呢xd」 所以今日重溫Atomic habits時，對呢一句說話好大感覺