照顧老狗真係一個好艱巨嘅任務🥲 除咗確保佢有固定同充足嘅散步時間外（我家大少1日要落3次街街街） ，so that個腎唔洗咁大負擔，衍生出嚟嘅事項真係會做到想嘔🤦🏻‍♀️ 包括： 1）因為關節退化+步姿唔啱，大少兩邊腳板底損咗，宜家每次行完街都要同佢換藥。每次換藥時間10-20分鐘不等🥲 2）因為嗅覺退化，飲食上要令佢有胃口/有興趣想食得嚟又唔可以太肥仔。 （太肥仔嘅話，關節問題會惡化） （太好味嘅話，就可能令到內臟負擔過重） 於是乎，餐餐都係mix減肥糧+腎狗鮮食+唔同嘅新鮮嘢令佢有胃口。 3）因為機能衰退，大少真係去多咗好多次廁所。已經1日行3次（8am、5pm同10pm），但下畫1點或者凌晨4點已經會係屋企去廁所。 唔小心踩到嘅話，又係另一堆家務了。 4）宜家每個月都要做： 2次針灸、2次物理治療、1次打消炎針，另加1次沖涼。唔計體力消耗，啲weekend真係chirp一聲就冇咗。 5）搜購物資又係另一大task，由主食去到補健品，再由清潔用品到傷口護理嘅物資，大大話話都15樣嘢起⋯ 6）最近唔知點解，個唇膏仔好容易出咗嚟，然後收唔返入去。又係要坐係度慢慢幫佢收返入去🤦🏻‍♀️⋯