呢張相主要有兩位男士，我諗右邊張相係想表示車廂有幾多位，咁即係你主要想講左邊啦，其實兩個人之中你係想講邊一個？ 講得唔清唔楚，陣間識佢哋嘅人會點諗佢哋？ 成件事唔知你係講真定假，不過將相得咁少人，我諗幫佢哋遮住個樣唔係好難掛😅 你用吓個腦，擘大啲隻眼，睇吓右邊嗰張相，幾乎每張凳都有人坐，照你咁講法，係咪每張凳都唔坐得？其實我諗呢個年代係真係唔坐得㗎，如果張凳有其他人就真係唔好坐，我就寧願企都唔想俾你呢啲人屈！ 我唔反對將自己嘅經歷分享，但唔係咁樣做囉。老實講，我真係覺得你呢個post係博流量，唔排除你講嘅嘢係真，但處理手法上就一定有錯，你仲要唔俾人留言話你有咩錯😂