爸 07 （終）上天帶走咗老豆，但又派咗個比老豆更似父親嘅人過嚟照顧我同媽媽。啱啱升中第一次同uncle見面嘅時候，我係好反感的。老豆嘅事已經好dramatic，唔想經歷電視劇入面媽咪帶個新daddy進入我生活呢種痴線情節。不過最後我都接受咗。因為uncle 實在太好，好到同我好熟嘅friend會話：「有你uncle你已經等於重新投胎啦。」 Uncle比咗好多原本我無可能會體驗到嘅生活我，同時又將個距離拿捏得恰到好處，即係我唔會感到奇怪或唔舒服，但又令我感受到家庭溫暖。屋企搞到咁，中學時我每月得幾百蚊飯錢（無零用）。但uncle總會趁老母唔為意時塞一兩千比我，令我求學時期從來都無感受過唔夠錢洗嘅感覺，唔熟嘅人仲會誤以為我屋企環境唔錯。就算佢係an機撚都會買最新嘅iPhone 比我；知我鐘意打機會買張靚顯卡再親手砌部機比我；瞞住老母偷偷借張卡比我課手機game⋯⋯ 對我嚟講呢啲唔只係物質上嘅滿足，係拯救咗我無完整家庭嘅自卑心理。後來再有人講起關於屋企人呢啲話題，我都唔會再覺得自己可憐，再怕同人比較。（留言續）

串文

2024-10-09 15:31

讚

712

回覆

轉發

作者

yourworstexgirlfriend

粉絲

978

串文

36+

讚

回覆

轉發

24小時粉絲增長

無資料

互動率

(讚 + 回覆 + 轉發) / 粉絲數

76.99%

回覆 (BETA)

最先回覆的內容
發文後	用戶	內容
一分鐘內	yourworstexgirlfriend	其實我由細到大都好憎讀書，小學雞時靠老母嘅催谷同埋啲小聰明入咗間so called名校，但之後已經無心向學。後來發生咗好多事（之後嘅story再補充），最後輾轉都入得返hku，叫做實現到老母心願。而家諗返都覺得好慶幸自己無放棄，無白費老母同uncle咁多年嚟嘅供書教學。 U grad行禮嗰日，uncle著住套老西，明明好開心又擺出個懶係嚴肅嘅表情。啲大同問我，「點解你老豆著得咁能正式，成個professor咁！」嗰時我唔知點答，而家可以好proud咁講。雖然uncle無做professor，但佢係個有PhD嘅專業人士。間唔中佢過嚟大學做嘢叫我一齊食飯，我都唔好意思應承。好神奇，平時我同佢相處好自然，但只要老母唔在場，我就會開始懷疑同佢嘅關係，自己到底係咩身份。寫爸爸呢個篇章時，由於本意係想紀錄童年傷痛，前面寫嘅一直都係親生老豆。but when I tried to talk about 爸爸呢個角色時，我更多諗起嘅係我uncle。唔知以後有冇勇氣親口同佢講，但我真係好愛我爸爸。呢個story完了。希望之後嘅文（我本身想寫嘅嘢🤣）仲有人會睇落去～
2 小時內	i_anbesto8	羡慕
2 小時內	Daisy Wong daisywong1209	其實媽媽都好好，先至可以搵到個咁好嘅uncle，媽媽當年應該都有唔少委屈同痛苦，佢都可以養大你，教到你咁生性 👍🏻
4 小時內	西門吹雪 heivio	如果有機會下世孝順返佢囉
7 小時內	Helen Ng hellothisishelen	峰迴路轉，戥你高興
8 小時內	Lelia lelia_goh	唔好意思俾佢知道你好愛佢，就唔覺意俾佢睇到呢篇啦～
9 小時內	v e n / venyhl	🤍🤍
10 小時內	Caleb Chan caleb_chan	如果真係想表達愛就勇敢啲表達出嚟啦，愛要及時，相信uncle聽到你表達愛意，佢都會好欣慰，唔洗怕羞 💪🏻
10 小時內	je t'aime je_taime_jewellery_hk	你uncle 好錫你媽咪！祝福他們，開心快樂！
11 天內	Chilli Cheng chilli_cheng	續