一百個英國開檔趣人趣事# 013 英國開檔咁耐 其中一件趣事嘅就係聽街坊幫我哋嘅雞蛋仔改名！🤣 有一次，有位叔叔行過，瞇住眼望咗一陣🤔 👨🏻指住我哋嘅雞蛋仔問：「呢個係咪蛋糕仔？」🍰 我哋解釋：『唔係呀，呢個係雞蛋仔呀！』 👨🏻叔叔點頭：「哦～雞蛋糕！要一份！」🥚 但呢度未完—— 一個婆婆過嚟 👵🏼指住雞蛋仔：「我想食蛋撻仔！」🥧 我哋再解釋：『呢個唔係蛋撻仔，係雞蛋仔呢』 👵🏼「哦哦，幾時錢粒？想要十粒」 我哋：『係一底賣架，好抵架😆』 👵🏼「咁一底有幾多粒㗎？」 我哋又真係冇數過喎，即刻數下🤣 『1..2..3………原來一底係30粒呀！』 👵🏼「咁我要30粒雞蛋仔呀」 『收到！』😆😆😆🐣 上網睇返雞蛋仔歷史，原來雞蛋仔發明之初，係為咗促銷雞蛋，加上以前嘅人經濟條件冇咁好，係會拆開一粒粒雞蛋仔賣。所以婆婆冇錯㗎，以前嘅雞蛋仔真係一粒粒咁樣賣架😬🐣🐣🐣 (又長知識！) 另外仲有格仔餅，聽過嘅名包括: 格格餅、脆脆餅、夾仔餅、格格脆🤣 大家有冇聽過其他新奇有趣嘅名？歡迎分享 英國創業