101 Dalmatians Stalls J12-13 - 唔算大嘅production，亦都唔係見到太多嘅宣傳 可能因為我本身對佢冇乜期望，已經expect咗啲狗會好假etc 但係佢超出乎意料，啲狗遠睇好真，Puppeteer做得好好，又要唱歌、又要演戲、又要識得扮狗叫 如果一定要比較，我會話佢好睇過阿拉丁個musical - 啲搞笑位好貼合到英國本土民情，演員同觀眾之間嘅互動都可以話係恰到好處，喺故事情節裏面又好能夠渲染到觀眾嘅情緒，真係有啲位會睇到眼濕濕 加上佢啲舞台背景、演員走位、燈光等等都處理得唔錯，又有好多唔同特效，真係會令你眼前一亮！✨ - 特別要讚佢個小彩蛋，個彩蛋一出場我真係O晒嘴😮 同埋Kym Marsh做Cruella真係好正 基本上佢Trailer係咩聲，佢現場唱就係咩聲，超犀利 - 不過都有啲缺點嘅，上半場臨完結嗰部份太多煙，基本上你係會有接近想咳出聲嘅feel 同埋下半場一開始演員搦住啲電筒，會照住大約我嗰行附近嘅視線大約一兩分鐘（？），所以完全睇唔到嗰部份，不過好有可能係我問題 加上燈光安排比較多，好多都會照落觀眾度，所以如果怕光嘅人都未必適合