今日有新員工上任，特別返公司開工。收工執野，一望隻手，點解隻介指無咗粒石嘅？？？！！！ 😱😱😱 隻介指係我媽留俾我嘅，佢十幾年前走咗。我好鍾意隻介指，所以經常戴，有特別意義，估唔到粒鑽石會鬆咗⋯⋯ 而我已經返咗一日工，都唔知幾時跌咗，係邊度跌? 我中午仲出去食飯 我搵咗兩個鐘，公司搵過，所有去過既meeting room，kitchen，連厠所都揾過，垃圾桶都逐張紙打開搵過。所有行過既路都搵過，不過我都知道，無乜可能搵得返，粒石咁細，飛咗出黎又可能俾人踢走咗，就算係我眼前我都唔一定睇到。 雖然我搵極都搵唔到，呆呆滯滯死死地氣返屋企。加拿大人真係好善良，無論同事，清潔叔叔，保安叔叔，睇住我喺廁所摷垃圾，化緊妝既小姐姐都安慰我。清潔叔叔仲用條黏塵拖把係公司慢慢掃幫我搵，因為開吸麈機肯定搵唔番。 好愁咁食完晚飯，竟然收到保安叔叔電話，佢話清潔人員幫我搵返!!!！一粒豆咁細，佢都幫我搵到！ 我自己都放棄咗，感謝佢無放棄。 聽日去領番，順便帶份小禮物同感謝卡俾清潔人員同埋保安叔叔。好感恩🙏🙏🙏 多倫多有好多好人🫶🏼🫶🏼🫶🏼 希望佢地生命中常遇見好人好事 Thank God ! ♥️