今日中秋節，中秋節快樂～ 我同外國人講今日中秋節， 佢竟然話秋分未到，未秋天。🤯 原來佢哋用春分夏至秋分冬至做季節嘅開始： 春（3月尾～）夏（6月尾～）秋（9月尾～）冬（12月尾～） 講番中秋節，點解係中秋呢？ 攞農曆廿四節氣「{夏|冬}至」出嚟講， 顧名思義，佢係「最{夏|冬}天嗰日」， 因為佢係日照最{長|短}嗰日（北半球）， 呢日太陽直射{北|南}回歸線。 ｛春|秋｝分啱啱喺正夏至冬至中間， 嗰日晝夜等長，太陽直射赤道， 相對夏至冬至，{春|秋}分就自然係{春|秋}天最中間嗰日。 呢4日季節之最嘅季節之間，就有另外4個節氣： 立春（2月頭）立夏（5月頭）立秋（8月頭）立冬（11月頭） 9月中10月頭嘅中秋節自然算喺秋天嘅中間啦。 不過講開，自己細個嗰陣對季節嘅感覺係： 春（2月～）雖然重係凍，但勁濕 夏（5月～）熱熱熱同熱 秋（9月～）熱，但係有時啲風幾涼爽；有時中秋都重係熱好似夏天未完噉，但好快一個季候風就變凍，成個季節明明最舒服但係特別短 冬（11月～）以前真係11月就開始凍，得番十幾度，1月實有一排個位度數 而家⋯⋯香港重有冬天咩？ 我冬至都着緊短衫短褲，0尊🙂‍↔️