今日下晝返公司去搵保安叔叔，粒石用張抹手紙包住，可以搵得番真係好感動。 原來幫手搵番係清潔姐姐Maria。保安叔叔印度人叫Steve ，我再三多謝佢，佢話見到我周圍搵，知道隻介指對我好有意義，所以特登叫人幫手留意下。 感覺好溫暖，我媽保佑我，我都信，係個團圓嘅中秋。 Maria 姐姐講西班牙文，唔多會講英文，不過佢透過保安叔叔話，係佢份內事唔需要送禮物俾佢啦。 其實我都唔知道送乜好，所以喺屋企搵咗兩支自己儲起嘅紅酒，希望佢哋會鍾意。我偷偷放咗封利是俾Maria，雖然加拿大真係唔興，都係小小嘅心意。 圖1:只係將粒石放番介指上面 圖2:我公司張地毯，我自己搵咗好幾次同事又幫手睇都見唔到😵‍💫