＜Reference Check＞ 以前有間舊公司每年都縮班所以每年都突左常額老師，咁校長就根據「遲來先走」原則趕走左幾個新PERM既老師。 果堆同事搵工過程都算順利，各自都有唔少面試，甚至到簽約階段，但都硬係未簽到約。後來發現唔係Interview出事，而係Reference Check出事。 事例1： 女同事見完XX小學後，隔兩日後就比校長召見，校長:「今朝收到XX小學校長打嚟問你工作表現，我照直講哂，你課室管理唔得，行政範疇唔突出，課外活動又帶唔到，不過我都叫X校長比下機會後生女㗎喇！你再努力下啦，你得既！💪🏼」最後XX小學X校長隔左十分鐘打比女同事，話決定請佢，不過就將原本係合約常額位轉做合約位。 事例2： 男同事見完YY小學後，YY小學就Email左張Reference Form去公司叫校長填，其中有一題係「如果重來一次，您還會再聘請此人嗎？為什麼？」，校長就填「不會，A老師在學歷、教學、人際相處等各方面均不達本校標準和普遍學校要求。」最後呢件事傳開左，見到個男同事知道果刻嬲到握住個拳頭震左好耐。 每年都有同事比佢唱衰，數之不盡…… 老師日常