重男輕女既奶奶👵 未大肚之前已經成日問幾時生，又講到好好咁話好鍾意BB，老爺同奶奶我都冇返工，生完可以幫手湊BB，大肚個陣都可以照顧你咁 本身都聽完就算，唔會信到佢十足十，點知大肚之後佢直接唔見人😂好多補品燉湯都係靠娘家整比我 話比佢知BB係女仔既反應都好微妙，都係個啲 「女仔都好呀」咁既回應，然後係我懷孕期間已經問會唔會生多個🙂‍↔️🙂‍↔️ 同佢傾坐月要搵人照顧，第一句就話「你阿媽呢？」，答佢娘家會幫手照顧頭一個星期，就話「一個星期咋」。🙄🙄問題係我娘家個邊自己做生意，基本上係為左我停工一星期⋯ 最後生完之後黎醫院探BB，第一句劈頭就講「咁男仔樣既！男生女相！佢注定係男仔喎」，仲問我隔離床生男定女？？？ 真係好難和顏悅色對住佢，係產房我已經痛到叫佢個仔去結紮，唔好期待我再為佢地屋企添子添孫👎🏻👎🏻