其實第一間美容店係講得冇錯，解結的而且確係會傷到狗仔皮膚，試諗下你個頭全部打曬結，我用1個鐘嘅時間用梳同你扯開曬啲結，可以諗下你辛唔辛苦？ 同一時間我假設原本一隻冇需解結嘅比熊全手剪時間預2.5小時，但因為要喺唔令狗仔太辛苦嘅情況下美容師要用多1個鐘幫狗仔解結，咁之後啲booking點算？時間上做唔切都會係拒絕解結嘅原因，因為對其他客人唔公平。 另外點解第二間肯接，原因都好簡單，因為佢哋願意冒依個風險(所謂風險即係喺店員有告知主人美容有機會令狗仔受傷，但主人堅持想繼續，點知最後真係出事而主人怪返店舖疏忽/冇告知佢嘅情況下整親佢嘅寵物，最後店舖被擺上網公審/被要求賠償) 只要肯冒依個險就賺多幾百蚊又何樂而不為？但就唔能夠怪責第一間鋪唔同你解，因為萬一真係出事，成間鋪就係咁先。 身為做咗接近7年寵物業嘅dog trainer，我會建議你勤力幫meme梳毛，依個解決方法好過揀一間最好嘅美容院。一）會令佢嘅皮膚健康啲、二）唔洗令佢喺美容嘅時候受到不必要痛苦、三）每次美容唔洗俾額外嘅解結費、四）冇結自然就全手剪乜嘢裝都得、五）日常梳毛可令狗仔減敏及與主任培養信任度。

最後回答你嘅問題，九龍區想揀高質嘅寵物美容可考慮private i，但價錢亦同佢哋嘅服務質素成正比，而且若解結風險過高，佢哋亦會拒絕全手剪。 可能我講嘅嘢未必合你心意，但老實講如果因為meme唔能夠變靚靚而令你難過到想喊，希望你聽到meme因為解結嘅痛而喊嘅時候你都會因為心痛而喊。 梳毛唔難，如果你感到困惑，我可免費教你。Sorry for being too outspoken. Hope you don’t mind.

雖然我只係做咗兩年幾美容，但係我哋喺加拿大有一句說話叫做“ humanity over vanity”, 人道係最緊要，以前Grooming School老師形容De-metting 嘅痛楚等同你徒手掹胳肋底毛嘅感覺，所以係好痛，溫哥華呢邊除咗係有啲華人嘅salon會解結之外，西人嘅我哋都係會建議剃短，首先我唔可以因為主人嘅疏忽而令狗狗痛，或者令狗狗有壓力導致佢討厭美容，而且解結需要嘅Extra time，就算你肯俾錢，咁我下一個客點呢？ 本身預咗一隻狗有一個set 定嘅時間，如果因為要de-metting 而要延長grooming時間，咁我之後嘅客人又點算呢？所以希望你可以多啲幫狗狗梳毛，咁無論對狗狗或者係自己都百利而無一害。