自05年係香港 underground scene 推 DnB 嘅 Magnetic Soul，本身都係 clockenflap Electriq stage 嘅靈魂人物之一，佢幫手令到每一個去 Electriq 打碟嘅 DJ 都配對到個 local VJ 係後面望住舞台同大家背脊 mix visual，而且一直嘗試爭取各種 artist 待遇俾 local VJ。 佢多年來搞嘅 underground 活動，一有機會就會搵後生 VJ 去，俾機會佢地出 show，係個努力提攜 EDM music scene 新晉嘅前輩。 我係 underground scene 少有出現，但佢搵親我唔會托手㬹，十九年春秋耕耘嘅 music brand，誠邀你參與。